小辰光，有一只歌谣搿能唱：“啥人头浪有朵花，明朝夜里要结婚。”伊个辰光，侪欢喜拿纸屑、树叶轻轻叫落勒人家头浪，要是真个头浪会得有花倒是稀奇古怪个事体。伊歇辰光阿拉还小，结婚是啥勿大懂，只好随便用手拍拍头发，像煞真个怕会得发生勿吉利个事体。

　　长大之后，阿拉对结婚个理解，是从“三十六只脚”开始个。三十几年前，勒筹办婚事个康堂兄搭我讲，结婚个嫁妆是男女两家一道来操办；屋里个家生是男方负责，床浪用品侪是女方来置办。当时有俚语顺口溜，简单明了，倒也实实在在涵盖了选对象个标准。

　　一套家生，二老归西，三转（脚踏车、手表、缝纫机）一机（照相机），四季笔挺，五官端正，六亲勿认，七十块工资，八面玲珑，九（酒）烟勿吃，十（实）权归自家。

　　我还记得勒《点石斋画报》里看到过一篇《送活嫁妆》，讲个是晚清辰光，英租界北泥城桥有个小贩嫁囡儿个故事。画面浪，女方送出去个嫁妆里向侪有写字台、面盆架子咾啥家生。不过，覅以为晚清个上海男人侪有福气个，其实男方有交关人因为承受勿起女方开出来个丰厚嫁妆，当中当然包括家生，结果就像《上海县竹枝词》里向讲个：“女家索聘备家奁，苛责男家礼勿添。逼到抢亲生恶计，百年两姓变冤家。”

　　上世纪六七十年代，上海人结婚嫁妆里向个家生数量侪是用“脚”来计数个，标配就是“三十六只脚”。所谓“三十六只脚”，就是凭结婚证书去买一套总共有36只脚个家具：大橱、五斗橱、床搭仔方台子，四样物事一共16只脚；再加四只方矮凳或者四把椅子又是个16只脚；再加一只夜壶箱4只脚。

　　随牢仔生活条件个逐渐改善，“脚”个数目也是节节攀升。呒没顶个，但是无论哪能升，“三十六只脚”总归是起点。就像以前大家常庄讲个：“万元勿算富，十万刚刚起步。”后来，又升级到“四十只”“四十八只”脚——多摆只梳妆台就多4只脚，加只书橱又是4只脚，再来组沙发“1+1+3”就多12只脚了，落地音响两只就有8只脚。脚数几化，实际代表了个人个经济实力、活动能力搭社会地位；归根结底168ty体育，就是综合实力个展现。

　　有实力个，想办法买木料自家做家生，也有路道粗个好拿到计划之外个家生。有趟，阿拉从杭州搬回上海，屋里向缺家生，仲堂兄就拿自家“三十六只脚”个指标拨了阿拉。实力稍微推般眼个也有办法个，穷则思变，跑到木材店、煤球店去寻勿用户口簿也好买个短木料，1米以下个9分洋钿一斤，1米到1.5米是一角五分；再买两张纤维板。搿能一来，就有了原料，敲敲打打就好造出最新最好看个家生来了。

　　迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，168体育官网用沪语来演绎的，汉字书写也是正确的。